Boqollaal qof oo Moosil ka qaxay oo dhanka Suuriya u tallaabay

Filed under: WARARKA MAANTA |

Mosul (Horumar Online) – Hay’adda qaxootiga ee Qaramada Midoobeey waxay sheegeysaa in inkabadan 900 oo qof ay ka qexeen magaalada Moosil ee dalka Ciraaq.

Dadkaasi ayey hay’adda sheegtay inay ka gudbeen xuduudda Ciraaq ay la wadaagto dalka Suuriya.

Waa markii ugu horeysay ee la xaqiijiyo in dad badan ay ka qaxayaan Moosil tan iyo markii ciidamada Ciraaq ay bilaabeen inay ku sii dhowaadaan magaalada.

Dowladda Ciraaq oo garab ka heleysa Mareykanka iyo Kurdiyiinta ayaa waxa ay dooneysaa in magaalada labaad ee ugu weyn Ciraaq ay ka qabsato Daacish.

Boqollaal qof oo kale ayaa waxay u qexeen meelaha ay qabsadeen ciidamada dowladda CiraaqImage copyrightAP
Image captionBoqollaal qof oo kale ayaa waxay u qexeen meelaha ay qabsadeen ciidamada dowladda Ciraaq

Moosil waa meesha ay ugu xoogga badan yihiin ururka la baxay Khilaafada Islaamka ee dalka Ciraaq, halkaas oo laba sano ka hor ay qabsadeen.

Howlgalka lagu qabsanayo Moosil ayaa hadda la sheegayaa inuu gaabis ku socdo.

Ololahan ayaa socda maalintii sedaxaad. Moosil waxaa ku hareereysan ciidamo gaaraya illaa 30 kun oo askeri.

Ciidamada Ciraaq oo dhanka Koofureed kaga duulay magaalada waxay ku hakadeen deegaano ay shacab badan ku nool yihiin.

Kurdiyiinta Peshmerga oo dhanka Bariga iyo Waqooyiga Moosil ku sugan waxay adkeynayaan amniga goobaha ay qabsadeen.

Xafiiska Horumar Online, Nairobi
Horumaronline@gmail.com

RIIX HALKAN SI AAD U AKHRISO WARAR KALE

Close