RUUSHKA: ”Waxaan duqeyneynaa Sucuudiga, noloshii Carabta ee dhagxaanta ayaan ku celineynaa”

Filed under: WARARKA MAANTA |

Moscow (Horumar Online) – Madaxweynaha Dalka Ruushka  Vladimir Putin ayaa ku hanjabay in Dalkiisa uu duqeynayo Sucuudiga si meesha looga saaro boqortooyada taageerta Argagixisada daacish sida uu yiri.

Afhayeen u hadlay Putin oo Warbaahinta kula hadlay Moscow ayaa sheegay in Ruushka uu duqeynayo Sucuudiga haddii uusan Sucuudiga joojin taageerada Ururka Daacish ee ka dagaallamaya Suuriya.

Wargeyska Maalinlaha ah ee  Novaya Gazeta, kana soo baxay Moscow ayaa qoray in Madaxweyne Putin uu qorsheynayo dhameynta colaadda Suuriya isaga oo adeegsanaya awooddiisa maaddaama Mareykanka uu galay isbeddel Siyaasadeed islamarkaan hadda kali ku noqonayo howlgalka Suuriya.

vladimir-putin

Boqortooyada ma kacdada ah ee awoodda is bidday taageertana Argagixisada ugu xun caalamka,waan Bombeyn doonnaa,waxaana ku celin doonnaa noloshii Carabtii badowga ahayd ee dhagxaanta ku hoos noolaan jirtay”ayuu yiri Mr Putin.

Sidoo kale waxaa uu Sucuudiga ku eedeeyay in inta badan Waddamada Caalamka ay colaadaha ka jiraan ay Sucuudiga ku lug leedahay,islamarkaan ay dhaqaalo farabadan ku bixiso dagaallada ka holcaya dunida carabta iyada oo taageere aan buurneyn ka heysata Mareykanka.

Dowladda Sucuudiga wali kama hadlin hadalka madaxweynaha Ruushka Putin ee ah in uu weerarayo Sucuudiga haddii aysan joojin taageerada Daacish ee uu ku eedeeyay.

Xafiiska Horumar Online, Nairobi
Horumaronline@gmail.com

RIIX HALKAN SI AAD U AKHRISO WARAR KALE

Close