XOG XASAASI: Xildhibaan Cabdullaahi Cadow ”Madaxweynaha Hirshabeelle ma ahan shaqadiisa in uu safar ku bixiyo gobolka Hiiraan”

Filed under: WARARKA MAANTA |

Muqdisho (Horumar Online) – Xildhibaan Cabdullaahi Maxamed Cadow oo ka mid ah Mudanayaasha Baarlamaanka Hirshabelle oo la hadlay warbaahinta Muqdisho ayaa waxa uu sheegay in Madaxweynaha Maamulka Hirshabelle iyo wafdi uu hoggaaminayo ay Socdaal ku marayaan Magaalada Baladweyne iyo qeybo kale oo ka tirsan Gobolka Hiiraan.

Mudanahaan ka tirsan Baarlamaanka Hirshabelle ayaa sheegay in socdaalada uu Madaxweynaha Maamulkaasi ku bixinayo Gobolka Hiiraan ay tahay mid aanu shaqadiisa ahayn, balse taas bedelkeed looga fadhiyay in uu soo Magacaabo Golaha Wasiirada Maamulkaasi.

Dhinaca kale, Xildhibaan Cabdullaahi Maxamed Cadow ayaa sheegay in aysan suura gal ahayn in ay isha ka fiirsadaan Hanaan Kaligii Talisnimo u muuqda islamarkaana dadka Soomaaliyeed ay ogolyihiin kaliya Heshiis iyo Nidaam.

Madaxweynaha Hirshabelle ayaan weli ku guuleysan soo Magacaabista Golihiisa Wasiirada oo si weyn looga dhursugayo.

Xafiiska Horumar Online, Muqdisho
Horumaronline@gmail.com

RIIX HALKAN SI AAD U AKHRISO WARAR KALE

Close